顯示圖片
[最終篇] 廣東話與文言文學堂之八
[最終篇] 廣東話與文言文學堂之八

費事煩住爾地
今堂係最後一堂

1.犀利
爾好犀利呀
犀利好古時就有人講
廣東話真係好犀利
要對廣東話有信心
引段古文爾睇
《前漢馮奉世傳》然羌戎弓矛之兵耳,器不犀利,可用四萬人,一月足以決(然而羌戎既兵不過係弓兵矛兵,兵器又唔犀利,得四萬人可用,一個月夠解決佢)

2.勁
爾好鬼勁
個勁字古人成日用
而加軼人
成日用埋晒軼胡語
明明胡語係卑鄙之辭
而爾就掉返轉頭
話古雅既廣東話俗
顛倒是非
真係頂唔順
“勁”既出處
求其搵都一大堆
《荀子非相》古者桀紂長巨姣美,天下之傑也。筋力越勁,百人之敵也(古時夏桀商紂個人又長又巨又姣美,係天下之傑呀。佢地筋力超越常人今勁,可以一敵百)
《荀子君道》民不為己用,不為己死,而求兵之勁,城之固,不可得也。兵不勁,城不固,而求敵之不至,不可得也(民不為自己所用,唔為自己死,而走去求爾隊兵勁,想座城固,實唔得啦。隊兵唔勁,座城唔固,而想敵人唔蒞,實唔得啦)
《廣韻》彊屍勁硬

3.彊
爾夠薑就出莅同我隻抽=爾夠彊就出莅同我隻抽
夠薑咩爾=夠彊咩爾
我地問人夠唔夠薑
薑既本字係彊
彊有兩個音
《正韻》渠良切,音强
《類篇》居良切,音薑
彊除左解夠唔夠薑個薑之外
重係強勁個強既正字
點解我話係正字呢
等我解爾聽
我地成日話強人

強人是爾
查實嚮古時
寫”彊人是爾”先諳
而個”強”字
係解格硬(格,格鬥個格,擊也。硬,硬蒞。格硬,同爾打過都要硬要得到)
如強姦個強(有通姦有強姦,通姦就爾情我願,強姦就格硬姦)
強人所難個強(格硬要人做軼好難為既事)
古人識分”彊”同”強”
近期既人就唔識
總之
彊:勁
強:格硬,勉強(之不過,爾無返今上下彊,又點格硬呢)
《荀子不苟》堅彊而不暴(古人唔係寫”堅強”,而係”堅彊”)
《新書卷六禮》尊卑大小彊弱有位,禮之數也(古人唔係寫”強弱”,而係”彊弱”)
《荀子王制》故修禮者王,為政者彊,取民者安(所以修禮既人就王,正政事既人就彊,得民心就安)

4.返->返/反
返屋企啦->返家也/反家矣
返歸啦->返歸也
而加軼人
成日用個”回”字代”返/反”
一睇就知爾唔知個回字點解啦
聽聽埋埋軼胡語
學校又誤人子弟


想知回點解
就自己攞個盤
裝秩水
伸隻手指入去攪幾個圈
秩水轉緊個款就係”回”

回:水兜一個圈
《禮記曲禮上》入戶奉扃,視瞻毋回
(入道門時捧住條橫木,視線毋環迴360度睇一個圈視瞻毋回,唔解得做望返轉頭,毋將個回字當返。點解?伊篇係禮記,講既係禮,入門之後望一望返後面,有幾失禮只?實情就無失禮。之不過,爾入人門後,視線環迴360度睇一個圈就失禮啦。爾諗下,有人入爾屋,對眼將爾間屋掃一圈,爾覺得佢咩意思。條友今環迴望一圈,係咪睇爾間屋裝修靚唔靚,定係睇爾扱屋乾唔乾淨,定係睇爾秩家俬係咪貴邪,睇爾屋企有無錢?喂,我請爾蒞我間屋,唔係等爾評我間屋,我間屋使乜爾評只。所以,入門之後望齋返轉頭唔失禮,環迴360度睇一圈就失禮啦。視瞻毋回個回,唔解得做”返”,好似水今兜一個圈先諳)
《說文解字》回,轉也
楊家將
七子去 六子回
唔怪得軼人亂解上面句野啦
軼人諗住個”回”係”返”
就諗
解唔通喎
死淨一個仔之嘛
都唔係有六個仔返到莅
跟住就屈啦
屈”六子回”=第六個仔返到莅
今咪錯囉
都話回=/=返
伊處個”回”=輪回(利伸:唔信輪回)
今點解”回”解得成輪回呀
我同爾講過
回:水兜一個圈
請睇真個水字
古人覺得陰間,鬼,死人屬水

《帝女花》不甘殉愛伴我臨泉壤
泉壤=陰間(泉=水猛湧出。泉壤=水猛湧出之地)
回:輪回:水兜圈:死人兜個圈
七子去 六子回 = 七個仔去 六個仔輪回 = 有個六仔釘左
見啦
回係解水兜圈
唔係解”返”
毋撈亂”返/反””回”

講返個返字
古時反同返係通
所謂反
甲---->乙
甲<----乙
由甲行去乙
今由乙去甲伊程路就係反
同甲去乙伊程路相反
古時有人寫反
亦有人寫返
如”返國””反國”都有人寫
《韓詩外傳》晉文公嘗出亡,反國(晉文公試過逃亡,跟住返國)
《新序雜事五》公子重耳返國,立為君(公子重耳返國,立為君王)
《說苑臣術》晏子不飽,使者返言之景公(晏子食唔飽,使者見到就返去話畀景公知)

5.嗷嗷
叫爾做功課就NGAU NGAU聲 =叫爾做功課就嗷嗷聲
班人NGAU NGAU聲呀 =班人嗷嗷聲呀
嗷,眾口愁也
我地話人嗷嗷聲
查實伊個講法勁古
詩經軼古詩都有記
《詩經鴻雁》鴻雁于飛、哀鳴嗷嗷(鴻同雁飛箇時,嚮度哀鳴兼嗷嗷聲)
《史記秦始皇本紀》天下之嗷嗷,新主之資也(當天下人嗷嗷聲,就係新主既資本。今人人都嗷嗷聲,爾想做新主,咪畀佢想要既野佢囉,今咪爾既資本囉)

6.煮
胡人唔識講煮飯
淨識講做飯
而我地廣東話人係講煮飯
唔講做飯
我而加就話爾知
古人都係好似我地今
講”煮”
《說苑反質》魯有儉者,瓦鬲煮食(魯國有好慳儉既人,用瓦鬲煮食)

7.入
入元朗買餸
入屯門打機
個入字
伊種講法
又係好古
《韓詩外傳卷四》管仲去魯而入齊(管仲離開魯國而入齊國)

8.畢
畢,田罔也(田網,長柄網)
我地話畢起軼垃圾
畢起湯渣
就係伊個畢
《禮•雜記》畢用桑《註》主人舉肉時,以畢助之。…畢狀如㐅,博三寸,長八寸,柄長二尺四寸,丹漆兩頭(主人舉起舊肉時,用個畢莅助一助)

本義係網
引伸為盡網(一網打盡)
《說苑指武》致慈愛之心,立武威之戰,以畢其眾(令佢有慈愛既心,立武威既戰,用前面兩樣野,網盡眾人既心)
《大戴禮記》畢弋田獵之得,不以盈宮室也(畢起射箭而得既田獵,唔係用佢莅盈宮室)

9.點->焉/安
點既本字就係點
唔係怎
上次條友話我實估唔到係怎
跟住講左一大堆邪
屈古人既發音
梗估唔到啦
因為根本就唔係怎
《五音集韻》怎,子吽切。語辭也。五音篇中此字無切腳可稱,昌黎子定作枕字第一等呼之,可謂正矣(子音頭,枕音尾。子:JI2,枕:JAM2。子音頭=J-,枕音尾=AM2。J- + AM2 = JAM2)
查個”點”字
《正韻》多忝切,音玷(玷,DIM3,丁兼切,《廣韻•上聲•忝•點》多忝切)
《集韻》都念切,音店(DIM3)
都係D音頭
唔係J音頭
毋同我講
古人唔識分”點,占,店,多,丁,子,都”開音係咩
毋同我講”點,占,店,多,丁,子,都”都係J音頭
事實就唔係
胡人分唔分得清我唔知
毋講到古人古音今廢
分唔清”點,占,店,多,丁,子,都”個開音
總之
點既本字就係點
點解=點出解法(點解呀=請爾點出解法呀)
點樣=點出個樣
但係作文言文
古人唔以點入文
而係講焉/安
點->焉/安
點可以打佢 -> 焉可以打之
點可逆佢意 -> 安可逆其意
“焉”同”安”既出處我唔畀啦
當最後一堂做功課
自己查啦
http://ctext.org/pre-qin-and-han/zh?en=off

10.做/作->作

有兩個音
一係昨
二係造
古文無人寫”做”
無論”作”定”做”
都係寫”作”
做大事->作大事
做數/作數->作數
毋做衰野>毋作衰邪
《禮記禮器》故作大事,必順天時(故做大事,必順天時)

要講就講唔晒
正所謂
吾生也有涯,而知也無涯(吾生呀有涯,而知呀無涯)
要紏正(紏讀斗,一個二個都寫糾正,唔寫紏正。明明糾=纏《風俗通義正失》易稱:失之毫釐,差以千里。故紏其謬曰正失也)
亦唔紏正得今多
我紏正左爾
而爾唔用返諳既字
明知錯都用胡語
今我開幾多篇都係無用

今本字於爾手,用耶?不用耶?皆隨爾意。臨別之時,惟請君聽我一言。用本字,廣東話可興矣。不用本字,廣東話則隨之而失其本,斷其流。故廣東話興衰,不在我一人,而在諸生也。請諸生明察。

重有
我唔係巴打
係絲打
係今先
火地晉頓首

廣東話與文言文學堂之七
https://hkgalden.com/view/37463
Good11Bad02013/09/11, 12:41:25 凌晨
本貼文共有 0 個回覆
此貼文已鎖,將不接受回覆
本貼文共有 0 個回覆
回覆學術臺