陳庭欣（Toby）早前與家人跟團到澳洲旅行，難得偷閒到外地，Toby即來個大解放，身穿三點式上演一幕「升胸奇遇記」，見她上圍豐滿不少驟變「蜜桃胸」，非常有睇頭，難怪吸引到大批老外眼望望，更有外籍靚仔船員上前搭訕，大讚Toby索爆兼叫她「Miss Sunshine」，Toby笑說：「好多外國人士好熱情，大家都有傾吓偈，但我跟團又要照顧父母，所以冇諗發展喎！（身材豐滿咗？）因為之前食肥咗，效果好似勁咗，要努力減肥減腰同大髀就真！」
Toby在大堡礁玩浮潛時表現興奮，High爆做出瑜伽動作，又拎起海星響螺海參不停影相，原來今次是Toby爸爸化身龍友負責拍照，卻被Toby嫌棄：「因為佢啲技術好小學雞，要影好多張先有一張得，搞到我擺甫士擺到攰。」此行Toby主要感受南半球的大自然世界，例如到澳洲國家公園觀賞藍色螢火蟲及落水捉蟹，令她相當難忘！
  |  4 52014/04/24, 9:53:18 上午 |
|
