快必講耶穌：
2025年6月1日週日講章
TAMtakchi Fast Beat
https://m.youtube.com/watch?v=aUXHXGCXRhk
Jun 1
2025
【教會歷史以冤獄開始】
過去嘅星期四，教會叫「升天日」，我哋睇使徒行傳1章1至11節同路加福音24章44至53節，都講升天嘅故事。基督升天前，再次提醒門徒要記得，要回想，使過去鮮活地重現在當下，聖靈會使我們記憶，聖靈會使我們不會忘記。有了過去的記憶，保存了過去的記憶，把握了過去的應許，叫人知道怎樣理解當下，知道當下的使命是什麼？門徒的當下，是要見證死而復活的主，要見證生命之道，悔改赦罪之道，這是初期教會的歷史，見證也就是殉道，見證付上的是生命的代價。
基督升天之後，the show must go on ，初期教會的少數人繼續佢哋見證上主國的使命，佢哋唔單止見證緊上主國，佢哋仲見證緊一句話：「所有在政權以外堅持自己信念的人，都不會有好下場。」古往今來，我們都見到聽到，親身經歷到，當權者手起刀落，無法制約的絕對權力掌握了一切，扭曲了一切，踐踏了一切。比起耶穌基督的十字架，比起初期教會那些堅持信念，傳揚正義的人，區區幾年的冤獄，我們算不了什麼。今日我們讀這段經文， 十分應景，使徒行傳16章16到34節，記載兩個政治犯、良心犯，因為堅持信念傳揚正義的故事，我們一起來讀一讀。
故事說到保羅傳道是遇到一個比鬼上身的使女，呢個女人點解俾鬼上身呢？點解比鬼上身嘅要係女人而唔係男人呢？原來女人被鬼上身係為咗令佢嘅主人，應該係男人啦，發達喎。好似啲賭徒撈偏門，養鬼仔嗰啲咁。我在政治冤獄四年幾，遇上不少這種人，但呢個鬼上身幫老細搵錢嘅女人，居然跟住保羅，仲一連幾日跟住，並且叫囂，話：「這是至高上主的僕人，向你們傳講得救之道。」我哋記得喺福音書中，鬼也認識耶穌，你估判耶穌有罪嘅彼拉多，又或者判信徒有罪，判講真話嘅人坐冤獄嘅假髮演員，知唔知乜嘢先至係正確、正義呢？由於呢個鬼上身女人一路跟着保羅，佢覺得好煩，就為呢個女人驅魔，驅魔人啊！隻鬼走咗出嚟，今日邊個位嗰啲假髮演員趕鬼驅魔呢？今日嘅神職人員唔係助紂為虐搖旗吶喊，一係就明哲保身狹路相逢走佬勝，甚至同敢說真理講真話嘅人割席，聖靈會在大家心中說出所有這些人名。
女人被驅魔，隻鬼走咗之後，佢嘅主人老闆當然大怒啦，因為再唔能夠靠鬼上身發大財，於是老羞成怒，將保羅同西拉兩個阻人發達嘅耶穌使徒，拉到去啲官面前，話佢哋傳講一啲羅馬政權下不可傳的道。言論自由當然不是絕對啦，傳福音的自由，驅魔趕鬼嘅自由當然亦都唔係絕對，絕對權力的任意妄為才是絕對的。保羅和西拉俾人除晒啲衫褲，獄卒中將佢哋打咗一身，就困喺監裏面。嘩，好唔文明，都冇經過審訊嘅，都冇扮晒有法律法治，以公義之名將二人收監嘅？二千年後文明好多啦，感謝主！我細個讀呢段保羅、西拉被屈錯冤獄嘅故事冇乜feel，依家就唔同晒，大家讀今日呢段經文，又有乜想法呢？
故事的下半部，保羅、西拉喺政治冤獄中「仍然自由自我，永遠高唱我歌」，聖經話二人禱告唱詩，讚美上主，係兩人一齊禱告唱詩讚美上主，唔會孤單一人。縱使獨立囚禁，從不孤單一個，唱詩唱到所有囚犯都側耳而聽，我附近嗰啲DD囚徒（即係毒販黑社會古惑仔嗰啲）從未聽過我哋唱乜嘢歌，亦未聽過35+到底係乜？聖經話眾囚徒都側耳而聽，忽然地大震動。喺冤獄唱詩禱告讚美上主，自由心靈不被冤獄所困，亦都造成咗大地震，甚至監獄嘅地基都動搖咗，保羅同西拉無畏無懼咁禱告原來係可以動搖監獄根基㗎喎，弟兄姊妹，問題就係我哋嘅禱告係唔係夠恒切，我哋有否足夠勇氣和想像去唱歌詠讚呢？
聖靈的能力，一旦被民眾經驗到，眾囚犯的鎖鏈全部都鬆開，這是自由，這是抗爭，這是絕地還拖，政權無法再困住自由之靈，監獄的門全被衝開。獄卒相對囚徒必然是少數，囚徒如果走了，獄卒必定被問責追究，死一定不會死最大那個，此為之祭旗！因為囚徒走咗，獄卒個個都準備要拔刀自刎，眼見呢個情況，保羅、西拉沒有說他們抵死，反而制止獄卒們自殺，仲話，我們沒有乘機逃獄，我們仍在這裏。故事的結局，是獄卒們向保羅和西拉請教得救之道，答案是：「信主，一家都得救。」問題是「信」到底是什麼意思？我所知道的信，不是信教洗禮這麼簡單，那只是表面的符號，正如唱詩禱告，真正的力量不只是唱詩禱告；又正如我每一篇主日講章，所講的，是一些更深邃的東西，聖靈會引導大家明白。2025年升天節之後嘅主日，我哋講教會歷史以冤獄開始， 2026年如果主未再回來，我亦會繼續講呢啲，直等到我去見主，或者主再回來，這種等待不是坐冤獄政治犯的家人朋友等待我們重逢相擁的心嗎？我們還有時間，信望愛承托着我們。願榮耀歸上主～香港。誠心所願。 |  0 02025/06/01, 4:29:41 下午 |
|
