顯示圖片
鄭中基召逾500行內人臨急幫手齊齊開工 點名多謝ViuTV:拍咗套劇送上溫暖
https://hk.appledaily.com/entertainment/20210424/HCSJZUJTLBCX7NGVOD5N5HR454/

鄭中基召逾500行內人臨急幫手齊齊開工 點名多謝ViuTV:拍咗套劇送上溫暖



鄭中基「WEE are Ronald Cheng Drive in Ultra 鄭中基自駕演唱會2021」今晚在中環海濱活動空間舉行頭場,今次首度在場內增設車輛觀眾位,不少在場觀眾大叫過癮。

相關新聞:鄭中基讚姜濤識諗做亞洲第一 唱《樂壇已死》叫歌手歌迷齊心 嘆搵食難累胡鴻鈞餓到腮骨消失

演唱會在晚上10時40分完騷,最後一首歌是《暖男爸爸》主題曲《My only one》。在唱最後一首歌前,鄭中基在台上感言,透露這次演唱會因為疫情變得殊不簡單,初期因2人限聚令,令演唱會搞唔成,變回4人時才決定加速做演唱會,他說:「由冇到有,有好多人幫手,召集咗500幾位行內人幫手,疫情時好多人都返part time,有啲去咗超市打工。知道放寬時,覺得『唔好理喇,叫晒大家嚟開工,唔理會唔會再收緊,最緊要大家有工開先。』好多謝大家短時間幫到我完成演唱會,由搭台到音樂,所有都好好。」

他在台上多謝ViuTV:「多謝ViuTV拍咗套劇,喺當時大家最無助、無奈時,送上溫暖畀大家。亦多謝Chill Club頒個獎畀我,雖然我冇去,好少可頒獎禮人無去但照有獎,呢個好嘢嚟!」

相關新聞:鄭中基演唱會變名車展 連全球限量版麥拿侖都有

鄭中基老婆余思敏接受訪問,她大讚老公演出滿分,戶外演唱會氣氛好:「梗係正啦,今晚氣氛大家都好好,天氣又好有啲風,自己都係第一次睇呢類型式嘅騷。」又夫唱婦隨讚工作人員:「今次真係好多工作人員幫手先完成到,佢哋好犀利。」余思敏今晚與家人在車輛觀眾位睇騷,她表示入場非常流暢,不過她今日中午時帶仔女到場,原因是小朋友好耐未見爸爸:「小朋友放學心急嚟見daddy,Ronald因為演唱會,呢幾日都喺酒店瞓,小朋友幾日都冇見daddy。」

有份演唱《樂壇已死》的King@SENZA A Cappella今晚亦有到場睇騷兼表演,他坦言有點緊張:「我自己係喺樂壇中掙扎嘅人,難得有前輩畀呢個機會,真係好開心。」

入場觀眾都讚good騷,何生何太表示:「氣氛真係好好,好多part都好感動,尤其係支持廣東歌嗰一part。」雖然場外一度企有過百名觀眾睇免費騷,不過他們並不介意:「最緊要大家都開心!」另一對情侶Water和Eunice亦說:「我哋係第一次睇戶外騷,真係好感動,感覺好舒服,希望之後可以有多啲呢類型嘅戶外騷。」陳小姐和黃小姐亦讚演唱會氣氛很好,黃小姐說:「最驚喜係有RubberBand,我一直都好鍾意佢哋。」陳小姐則笑說:「我哋最鍾意係Encore嗰part,唯一美中不足係聞到海水味,有陣聞落係有啲臭!」

鄭中基說今次演唱會不簡單,好多人參與,多謝員工。
鄭中基說今次演唱會不簡單,好多人參與,多謝員工。


超過500人幫手,鄭中基說事前沒考慮會否再收緊限聚令,最緊要有工開。

鄭中基又多謝ViuTV拍《暖男爸爸》,chill club頒獎禮又頒了十大歌曲給他。
鄭中基又多謝ViuTV拍《暖男爸爸》,chill club頒獎禮又頒了十大歌曲給他。

太太余思敏讚氣氛好。
太太余思敏讚氣氛好。


King@SENZA A Cappella今晚睇騷兼表演,他坦言有點緊張又開心。

何生何太讚演唱會氣氛好,尤其支持廣東歌一part最感動。
何生何太讚演唱會氣氛好,尤其支持廣東歌一part最感動。
-----------------------------

蘋果App大升級 更簡潔更就手!了解更多(立即下載體驗)

-----------------------------

蘋果初心不變!26周年「撐蘋果Tee」預售:

你的優惠訂購(海外訂購按此)



Good0Bad02021/04/24, 12:32:21 下午
本貼文共有 0 個回覆
本貼文共有 0 個回覆
回覆娛樂臺