https://hk.news.appledaily.com/local/20200330/HLN2UX2WV6EVRYUMULF42QH4IU/
西環集中營︰
禁聚令恐助警打壓黃店 - 季陶
禁聚令欠清晰指引，陳偉基只叫市民用常識去處理。資料圖片
特首林鄭月娥上周宣佈禁止任何公眾地方有多於四人的群組聚集，不過一如特區政府以往防疫措施，均是事後補鑊，今次更加欠清晰指引，林鄭說訂定人數上限沒有科學根據；至於甚麼情況下才算違法四人聚集？食衞局副秘書長陳偉基又叫市民用常識去處理！有民主派區議員直言，有關措施不只令不少街坊無所適從，更令他們擔心成為警方針對黃絲工具，「黃絲、黃店就搞；建制、藍店見到都唔告」。
相關新聞：武漢肺炎疫情最新發展
警民常識大不同
有民主派區議員稱，日前被街坊「問到口啞啞」，「個個好關心喺乜情況下會犯四人聚集，乜情況下唔會，好似同朋友排隊等車、等過馬路、等搭電梯又算唔算？行山跑步、幾個家長帶仔女落公園玩又計唔計？」他直言政府叫市民用常識處理，「但係人都知，差人個常識，同我哋市民嘅常識係唔同，佢哋嘅常識係凡睇唔順眼就拉咗先」，他以當日政府禁蒙面法為例，「保安局夠話記者採訪可以合法帶豬嘴（防毒面罩），班差人咪又照扯記者豬嘴，話唔除就拉」。
此外，更有黃店老闆向他說，過去一段時間已不時遭警方針對，「好多黃店係小店，擔心畀差人用呢條例針對，到時黃店就搞，藍店就唔搞，畀差人多個藉口搞人」。該民主派區議員又說，就如昨晚民建聯區議員鄧根年胞弟在祠堂設宴款待逾200人，「睇新聞話有人報埋警，差人都唔理，你換轉民主派喺自己議辦搞10人聚會，班差人仲唔破門入去拉晒返警署！」
季陶
周一、三、五刊出 |  0 02020/03/30, 7:09:29 晚上 |
|
