https://hk.news.appledaily.com/local/20200211/4FOHLPCMMYM2TS257PX6XSULOI/
區議員製搓手液派街坊自救
大埔區議員派發自製酒精搓手液和抗疫物資，數百市民排隊。李潤芳攝
【本報訊】口罩難求，最近就連消毒用品如酒精搓手液也賣斷市，周炫瑋等九位大埔區議員自製酒精搓手液派發，「有專家指洗手對防疫都好有作用，所以我哋根據港大專家畀嘅formula，自己做搓手液」。農曆新年前，議員和義工們四出找搓手液的原材料，但一直找不到，直至上周五金店陸續開門，他們才找到最重要的乙醇，「12點開門，11點就已經有十幾人排隊，真係估唔到連乙醇都咁多人排」。
20多個義工加上議員，一個下午製作了20多瓶搓手液。派發時街坊都自備小樽，在街市的平台上，百多個街坊秩序井然地排隊，每人可以分配到50毫升，並捐助五元作下一次買原材料用費用，街坊拿到搓手液後，還有義工教他們正確的洗手方法，周炫瑋認為，除了派發消毒用品，社區教育亦相當重要。
開會通過買罩 內地缺貨
相關新聞：逐家拍門通知 婆婆：唔知會點
他指出，政府在防疫上不足，作為區議員就有責任推動社區自救，「口罩我哋就真係無能為力，議員其實唔會比一般市民更易買到口罩，全港議員都想買到口罩派畀街坊」，大埔區議會早前已通過撥款80萬購買口罩，卻面對另一難題。「因為通過政府秘書處採購，政府內部有張名單，一定要跟住買，而口罩供應商好大機會係內地供應商，第一係短期內國內未必供應到，第二係香港人對內地生產嘅口罩品質有冇信心呢？」他說會密切留意採購情況，但遠水不能救近火，現階段只能自製搓手液派發給街坊。
區議員文念志則考慮到近日有不少人漏夜排隊，所以決定於派發搓手液當日早上才公佈資料，「希望快閃，唔使公公婆婆排咁耐咁辛苦」，他直指政府的防疫表現零分，「完全唔明政府內部諗緊咩，民意支持封關已好明顯，政府到底幾時先聽到？」
區議員努力為街坊防疫，亦需政府配合，區議員連桷璋指，區會將陸續有會議，但民政專員可能要在家工作而未能出席，「有好多重要議題要傾，防疫、學校開課、物資短缺等，好多問題要向政府反映，如果佢哋唔出席，會影響區議會行使職能嘅功能」。
■記者梁嘉麗 |  0 02020/02/18, 10:54:09 晚上 |
|
