就算喺做最簡單嘅行為,都好容易會推至極致,甚至會有驚喜。好似呢幅圖咁,當大家都喺地鐵站沿線搞人鏈個陣,會有班人痴線到走上獅子山頂做人鏈。如果再搞一次,可能會有人喺維多利亞港浮住做人鏈都未(註)。
如果十年前你搞同樣嘅左膠行為,香港人彩你都生芒果,兩百人都比多你,但今日搞,參與人數完全超出預期。我喺自己Facebook分享呢場運動嘅圖片個陣,我Facebook wall上面根本冇人提過呢個行動,究竟最終點解會動員到咁多人出嚟呢?我真喺唔知點解。
地區動員能力完全冇減退到,大家輕輕鬆鬆咁又提升到士氣,為即將舉行嘅罷課打下強心針。今晚心情最差嘅,一定喺正準備替建制派出選區議會嘅人,另一個就喺前線抗爭者。究竟今晚參與人鏈嘅市民當中,有幾多會喺地區抗爭時企出嚟支持前線抗爭者呢?好快就會知。
香港人,我真喺寫個服字比你哋。
https://www.facebook.com/photo.php?fbid=10157407538274929&set=a.396735049928&type=3&theater | 202019/08/24, 2:22:37 下午 |
|