https://hk.news.appledaily.com/local/daily/article/20190823/20754474
深水埗母女:警察目無法紀
魏太女兒指親睹警方濫用暴力後,已「完全不信任警察」。
住在深水埗十多年的魏太,形容自己向來「政治冷感」,甚少主動參與遊行,但隨着深水埗成為戰場,身為街坊的她和女兒亦無辜「食彈」,親眼目睹警員粗暴清場,「點解𠵱家啲警察,明明有法可依而你自己要去破壞?」坦言對警隊非常失望,女兒亦直言已完全不信任警察。
相關新聞:廚師:瘋狂追捕太過份
「對佢哋行為好反感」
居於深水埗警署附近的魏太,8.5晚上得知附近有示威者聚集,隨即落樓了解,她約晚上8時50分到達基隆街,形容現場沒有示威者,只有許多圍觀市民,但警員卻突然施放催淚彈,「煙到我出晒眼淚水同喉嚨唔舒服」。當時她沒有戴口罩等裝備,「冇諗到咁多街坊喺度都放(催淚彈)」。
魏太坦言認同警察有權拘捕違法者,但觀乎警員近月行為實在令人反感,「警察全副武裝,擁有嘅嘢係(同示威者)唔對等……若(示威者)做犯法行為,你可以拘捕,但你有套指引,就係撳低佢就要拘捕帶走……如果你做番應該做嘅嘢,市民一定唔覺得你哋過份!」認為警方現時已無視指引。
魏太20多歲的女兒,8.6及8.14兩晚均在現場吸入催淚煙感不適,「塊臉好痛,好唔舒服,有流鼻水」。她形容現時警方行為已接近失控,「你見警方𠵱家使用武力嘅頻繁性或合理性,相信一般人都唔接受」。她坦言現已完全不信任警察,甚至「反感佢哋嘅行為,不論係高層(喺)記者會嘅說話,或者基層警察行為,都令我唔可以接受!」
上一則 上一則 拖鞋革命街坊零裝備退暴警
下一則 下一則 廚師:瘋狂追捕太過份
廚師:瘋狂追捕太過份 「亂拉居民 睇唔過眼」 大叔「食花生」變撐學生 拖鞋革命街坊零裝備退暴警 | 002019/08/23, 6:43:37 晚上 |
|