https://hk.news.appledaily.com/local/daily/article/20190823/20754476
「亂拉居民 睇唔過眼」
黃先生指完全沒想到警方會武力驅散街坊。
今年20歲的黃先生自出生起已居住黃大仙，8.3晚上有示威者於黃大仙一帶聚集，大批防暴警在黃大仙港鐵站出口及巴士總站一帶戒備；他憶述當晚10時許下班後，返家途中已見多架警車停泊，後來才得知有街坊被警察無故拘捕，「其中一個係我小學同學，見到濫捕情況，我真係睇唔過眼！」
相關新聞：深水埗母女：警察目無法紀
「嗰下先真正覺得驚」
黃憶述當晚返家換回街坊裝後，便下樓了解情況，「我喺報道所見大家都係街坊裝，所以我認為不會有衝擊發生，都係用返街坊身份去了解發生咩事」。凌晨1時許他沿東頭村道步行，沿途有大批穿拖鞋街坊向巴士總站方向前行，他指到達時有近400名街坊圍觀，「冇人手持武器，冇人嘗試衝擊」。
黃又稱，到達後不久警方連續施放五至七枚催淚彈，「走嗰刻好多街坊都冇準備……（聽到）好多咳聲……有啲係一家大細，父親、母親同小朋友都有！」他指當時向何鴻燊公園方向走避，沿路見有街坊需在公園角落洗眼，面容痛苦，「其實我一直相信，警察唔會拘捕我哋呢啲街坊，但見到之後發生嘅事，原來警察連手無寸鐵嘅街坊都拉，我嗰下先真正覺得驚」。
黃直言對警方當晚武力清場做法感匪夷所思，「街坊唔會衝擊防線，只係純粹要求警方對當晚濫捕有個交代，為事件攞返個公道！」
但他形容當晚既憤怒又感動，「估唔到仲有咁多人關心呢個地方發生咩事，見佢哋不平則鳴嘅態度，其實係好感動」。
上一則
上一則
廚師：瘋狂追捕太過份
下一則
下一則
大叔「食花生」變撐學生
深水埗母女：警察目無法紀
廚師：瘋狂追捕太過份
大叔「食花生」變撐學生
拖鞋革命街坊零裝備退暴警 |  0 02019/08/23, 4:03:44 下午 |
|
