https://hk.news.appledaily.com/local/daily/article/20190819/20751724
阮民安:港人似我打不死
阮民安直指毋須留戀背棄香港的藝人。
【本報訊】民陣昨在維園流水式集會,市民冒大雨在銅鑼灣、天后一帶be water,記者在人群中見到不少藝人,包括黃耀明、何韻詩、王宗堯、王喜及阮民安。
曾被嘲「樂壇小強」的阮民安(Tommy)則表示自己與香港人一樣「打不死」,最近有不少藝人紛紛做「護旗手」,阮說:「由得佢哋啦!大是大非唔企喺香港人嗰邊就唔需要留戀。」
相關新聞:警西環屯重兵 見黑衣即查
黃耀明認為政府「派糖」無法平息眾怒。仇志德攝
黃耀明:藝人被迫表態好可憐
黃耀明受訪時表示,政府以為「派糖」可息眾怒,但他不認同:「香港人係唔可以被賄賂嘅,雖然都係一啲民生措施,但五大訴求一個都冇回應,我會繼續出嚟,今次唔係最後一次。」
談到近日傳聞解放軍會殺入香港,深圳更有武警駐守,他指「咁就證明林鄭管治冇效,如果佢管治冇效點解唔快啲辭職?呢啲傳言係用嚟恐嚇市民,係一啲好低莊、絕對唔高明嘅手段,假如係真嘅,中國係破壞咗一國兩制,係佢一手摧毀呢樣嘢」。
至於藝人紛紛表態支持警察及支持中國,黃耀明指「佢哋竟然喺一個咁封閉嘅環境下仲轉發呢啲訊息,我覺得好可憐。特別係身為美籍華裔飾演《花木蘭》嘅嗰位女士(劉亦菲),佢都要率先做呢件事,我覺得好諷刺」。
對於政府不批准遊行,何韻詩表示:「絕對係一個剝削嚟。」談到連日來多人受傷,何說:「香港政府同警察係必須受到制裁,佢哋用唔正常、唔守規矩嘅方法打壓我哋嘅聲音。」並指警方越來越過份,「佢哋好似放題式咁用催淚彈,同埋啲差人冇再展示佢哋嘅編號,好似互相包庇」。對於近日不斷有人製造白色恐怖,何提醒市民「唔好因為呢啲白色恐懼就蓋過自己嘅判斷,香港喺國際巿場上仍然有地位,對於中國大陸嚟講,香港仲有好重要嘅角色」。
王宗堯昨日全身濕透在銅鑼灣派雨衣給途人,他提到劉亦菲時指,「𠵱家好似返去文革,好多人對自己言行都有好多考慮同驚,我係本住良心去做,哪怕唔再接觸到嗰邊嘅市場,甚至乎被網民攻擊都冇所謂」。
■記者黃君怡、盧坤穎、馮嘉銘
上一則 上一則 派191億 買不到港人良心
下一則 下一則 錢志健促地產商發贖罪券
警西環屯重兵 見黑衣即查 醫護撐爆眼女 聲討高永文 年輕人製爆眼Minion轟警講大話 勇武派卸下裝備 做一日和理非 無懼金手指 國泰空姐上街 公開信:下跪不能絕處逢生 抗議港航打壓 50地勤請病假 DSE考生撐罷課:講緊香港將來 派191億 買不到港人良心 錢志健促地產商發贖罪券 張達明:和理非要為青年豁出去 法政匯思:警選擇性執法 宅男搜集部件 製示威模型 輪椅生命鬥士:唔發聲玩完 流水式集會 軒尼詩道順逆並行 巴黎黃背心聲援香港抗爭 親中學生暴力踩場 澳洲議員轟中共操控 警SMS提示非人人收到 水炮車黃竹坑戒備 內地網民夜貼小字報打氣 台「巴哈」網似連登 免翻牆暢所欲言 官媒譏示威者蟑螂 不提維園集會 葵芳人追究警放催淚彈 梁愛詩拒答駐軍殺人權限 促美制裁港府 白宮聯署達標 黃之鋒:市民爭取自決權利 張建宗陳茂波學舌抹黑抗爭 無懼京官林鄭文攻武嚇170萬和理非 堅持初心
| 002019/08/19, 4:05:37 下午 |
|