https://hk.news.appledaily.com/local/daily/article/20181231/20580511
2018年12月31日
西環集中營：
應對外國勢力 周浩鼎輸曾鈺成九條街 - 季陶
周浩鼎
民主黨早前成立國際關係委員會，由前黨主席劉慧卿任委員會主席，明顯意識到未來一段日子，國際社會將再次提高對香港問題關注，所以先作準備，那建制派又有何應對？有民主派中人指，近日民建聯立法會議員周浩鼎到訪美國，可說是建制派在國際層面，平衡民主派聲音的策略，但有曾與周同場的民主派人指出，周的「戰鬥力」頗一般，他直言面對「外國勢力」，建制陣營最有「殺傷力」的人，非民建聯前主席曾鈺成莫屬。
該民主派中人指，面對「外國勢力」，周浩鼎極其量只是重複官方立場，就如他之前訪美，美國官員主動提及民主派議員被DQ、英國《金融時報》亞洲新聞編輯馬凱被拒續簽證等事件。
表現如錄音機
「周浩鼎話佢嘅回應又係搬出乜嘢有依法辦事、『一國兩制』底線不能僭越、港獨同分裂國家行為違反基本法咁，其實同北京、港府官方立場冇分別，根本冇乜說服人哋嘅作用，人哋係想聽作為民選議員嘅觀點，唔係北京嘅錄音機」。
他又說當年曾與曾鈺成同場見「外國勢力」，形容曾的「戰鬥力」真的令人開眼界，「曾鈺成好嘢嘅地方，除咗英文好，仲在於佢嗰種講歪理能力，有次見外國議員，佢捉住民主派一點，再左扭右扭講到北京官方立場，好似連民主派都無法反駁」，笑言在座民主派明知他歪理連篇，但一時又不知從何反駁，「事後大家話，要出馬丁（李柱銘）級數，先可以頂到曾主席」。至於同周浩鼎比較，他笑言難以比較，「因為完全唔同層次」。
季陶
周一、三、五刊出
上一則
上一則
隔牆有耳： 微信公眾號元旦上線 中聯辦：權威發佈 (李八方) |  0 12018/12/31, 4:46:41 下午 |
|
