網上節目「城寨」主持人劉細良本周二在節目《奪命loudzone》中講補選鬧出風波，節目最後一部份講到藝人杜汶澤，另一個主持人陶君行指杜汶澤「突然本土」，話他的太太田蕊妮卻仍然接到大陸的job，暗示杜汶澤是中共的鬼，最後講「戲子嚟咖嘛！戲子無情喎！」事件激起杜汶澤爆粗回應，結果劉細良昨晚在節目，向杜汶澤正式道歉。
劉細良(右)在節目中向杜汶澤道歉。
杜汶澤在周四大力發炮後，劉細良昨晚在《政治咖哩飯》節目中，重提當日評論杜汶澤的事件，話當晚提到杜汶澤名字，是因為近年的選舉進入「民粹新時代」，候選人必須自己如 kol 那樣，能直接與群眾交流，就如杜汶澤這類 kol。劉細良話講到這裏，陶君行猜測田蕊妮接到大陸工作背後的原因「講大咗…任何人都會嬲」。
劉細良就事件向杜汶澤道歉：「我向杜汶澤正式道歉，話俾你聽，其實我係唔應該。」劉細良話當節目中有人作出揣測時，他當時應該更謹慎處理。
陶君行(右)堅持有言論自由。
但另一方面，陶君行卻在另一個網台《香港花生》的節目中講述事件，節目標題雖然寫「誠懇回應杜汶澤事件」，但陶君行全場笑笑口，聲稱「自己好想道歉不過唔知為邊忽道歉」。陶君行還指劉細良在當時講得最多，陶君行話自己只是提出疑問，並沒有説杜汶澤係鬼，「雖然我當時飲大少少，但係膠膠地問那個問題，你都會質疑…..我無話過佢係鬼，我無話佢收錢，我無結論，只係問題……大哥，我有無言論自由，唔係你寫個post話揼我就唔講呀?」陶君行仲搞笑話，「佢咁講，我未來半年出街，反而唔使擔心自己安全。」
杜汶澤今早出貼文，話他好記得當年做商台的時候，講錯咗嘢被人告，商台老細俞琤曾經對他說，人誰無過，如果真是講錯咗嘢，道歉不是弱者的表現，而係一種品格。可惜他當時後生不識諗，無咁做。所以他今日接受劉細良的道歉。
但杜汶澤話鋒一轉講到陶君行，話「但係如果嘻皮笑臉咁回應，又以言論自由做萬用刀，更聲稱自己好想道歉不過唔知道咩歉，咁同踩多我個頭一腳，根本無分別。我同你無仇無怨，你無端白事前前後後踩我兩腳，乜我個樣真係生得咁似紅地氈咩？似可以比你意氣風發係咁踩？」
杜汶澤繼續出post鬧陶君行。
杜汶澤其實在今日零晨已出貼，爆粗鬧陶君行，話「你老母XX！屈X完我係鬼，搏衰埋我老婆，再話我戲子無情，你話無意見？你條XX！仲要宣稱自己「好想道歉但唔知道咩歉」？你個兄弟劉細良都道歉啦！你係咪男人嚟咖？吓？你條XXX！係都要攤X長嚟玩吖嘛，精精地你就快X啲跪低！你繼續撑吖你！我就睇你企得幾X耐。」
看來這場杜汶澤vs陶君行的口水戰，還會打下去。
Ariel
https://www.bastillepost.com/hongkong/article/3697382-%E6%9D%9C%E6%B1%B6%E6%BE%A4%E6%8E%A5%E5%8F%97%E5%8A%89%E7%B4%B0%E8%89%AF%E9%81%93%E6%AD%89-%E7%B9%BC%E7%BA%8C%E5%AA%BD%E9%99%B6%E5%90%9B%E8%A1%8C%E3%80%8C%E6%88%91%E5%B0%B1%E7%9D%87%E4%BD%A0 |  0 02018/12/01, 5:20:55 下午 |
|
