兜兜轉轉，民族黨終被政府正式禁止運作。香港人好現實，覺得既然民族黨本身都無乜運作過，就算被取締亦無乜實際影響；但現實卻係，相比起一地兩檢、修改議事規則無得拉布，呢單嘢對香港民主法治嘅打擊係前所未有咁嚴重，因為：
1. 結社自由從來都係香港市民權利，受基本法保障，如今政府公然刊憲取締民族黨，代表廿三條立法與否已只剩象徵性意義，實際上中共國家安全標準已照搬落黎香港；
2. 香港人繼參選權、當選權後連結社權亦正式被剝奪，香港所謂民主法治已不足以「跛腳鴨」黎形容，日後特區政府援此先例大可隨意DQ任何參選人、已當選人甚至政黨，只有經篩選後合心意的政客才可能政壇發展；
3. 或曰，今次民族黨被取締，大可另立「新民族黨」同政府打游擊？今次取締意義卻係政府已確立一套取締政黨先例，日後必能以更有效率、更短時間方式反覆進行查封，而且更能擴展至學生會、學術研究會議甚至有相應立場的網媒照辦煮碗，諗番起梁愛詩當日所言「把刀從來都擺響頭上」，如今引證可謂至理名言
然後令人極其失望、但意料之內嘅自然係，響「取締民族權」整件事上面飯民大台竟然毫無建樹，只一味指責呢個係鬼果個係鬼「激嬲共產黨」，比起參選權當選權及結社權被剝奪，他們更關心嘅係區區一個議席嘅勝負，完全忘記咗黃屍反反覆覆提住「含撚投票」係為爭奪針對政府進行抗爭嘅社會資源及公權力，而家為貪圖呢啲籌碼而漠視甚至打擊原先應該保護嘅人，豈不是本末倒置？
當日陳浩天被剝奪參選權，飯民話選入立法會後會為其「討回公道」，如今當然已成空頭支票；去到有議員被DQ，佢地只關心如何響迎合特區政府標準下再次選入立法會，而忘記咗真正應該做嘅係點樣就政府濫用權力而抗爭；去到今日結社自由被褫奪埋，飯民就索性用「鬼頭仔激嬲共產黨論」黎轉移視線，連形式上嘅爭取都慳番了。
如果係咁，我響度向飯民大台質疑，點解唔「袋住先」，重新答應政府831框架限制重啟政改？反正你地都毫無抗爭意志，諗住「立得幾多得幾多」；既然早已打算全面配合政府劃底嘅紅線以內進行選舉工程，「我要真普選」呢句口號仲有咩實質上嘅意義？
https://medium.com/@henryporterbabe/香港民主真正最黑暗的一天-民族黨被禁止運作的象徵意義-2b4bee5ce0dd |  0 12018/09/24, 1:35:27 下午 |
|
