http://video.cdn.on.cc/video/201809/OEN180922-8687-1945-M_ipad.mp4
林敏驄拍賀歲片同曾志偉(圓圖)打對台。
藝人林敏驄現身銅鑼灣街頭活動,宣傳WeWa信用卡,穿上金雞服裝與巿民一齊玩遊戲,他笑言搵食艱難:「都未試過扮雞,仲要眾目睽睽下,都有啲興奮,幾好玩。(平時遊戲節目你玩人多?)我好少玩人,我睇人玩,有啲唔好玩,唔受得。」
「我對手喺自己度」
提到近況,他透露月底會開拍一套賀歲片,由他演出、編劇、監製兼導演:「我飾演院長,仲有張繼聰、林盛斌、Shine、吳耀漢,老中青演員都有,好多人都自薦要演出,全部人戲份都差唔多,個個角色都有得發揮。我之前見到曾志偉,佢話你又拍賀歲片打我,我話你成日都畀人打,都冇乜所謂。(擔唔擔心票房?)全部都唔係我對手,我對手喺自己度,由自己操控。」
演員全部影帝級
他揚言電影一定笑到碌地,但同時又有感動位:「男觀眾笑到喊,女嘅感動到喊。我之前叫咗(導演)郭子健幫我睇個劇本,佢話你啲嘢從來未試過咁完整,一隻字都唔使改,就好似我寫歌咁。我完全冇壓力,啲演員又咁高質素,全部影帝級,話頭醒尾。」
來源 source: http://hk.on.cc
+++++++++++++++++++++++++++++++++++++++++++++++++++++++++++++++++
林敏驄真係好勁 | 002018/09/23, 11:29:02 上午 |
|