https://video.next.hk/mcp/encode/2018/09/13/3694439/20180913_ent_tsui_et_NEW_mp4_w.mp4
內地節目《新舞林大會》請得上去嘅嘉賓，幾乎清一色係大牌當紅藝人，包括最近熱爆嘅《延禧》皇后秦嵐、人氣女星迪麗熱巴、Angelababy、言承旭、楊丞琳等等。估唔到嘅係，我哋香港都有代表參加，仲要係近年好似喺香港消失咗嘅徐子珊。
同咁多內地當紅明星同台，或者有人會問：「徐子珊夠班咩？」衰啲講句，的確未。不過，佢勝在跟咗王祖藍搵食，所以總有辦法安排佢亮一亮相，而且機會難得，出道多年見慣世面嘅子珊亦難免有啲緊張：「很緊張很緊張，因為畢竟是第一次，也可能是最後一次。然後不管怎麼樣了，我就很感謝節目組給我這次機會，希望大家都會喜歡剛才我們的表演吧，謝謝。」
徐子珊雖然講嘢口窒窒零氣場，但跳起舞上嚟絕對唔失禮！另外，即便已經39歲但身材依然keep得好好，連同場男嘉賓都忍唔住讚：「她的身段好好。」除咗讚佢身段，唔少網民都讚佢跳得好，更為佢被淘汰感到唔抵，甚至怪責賽制混亂。其實講到底，被淘汰都係因子珊喺內地人氣不足以俾機會佢再亮相多一場啫，事關單以實力論佢根本唔輸洩。大家唔好忘記，徐子珊曾經係個歌影視三棲藝人嚟架，想當年（2009年）佢推出個人首張EP《Kiss Me Kate》，其中不乏舞曲，如《Hit Me》、《讀心術》，認真係唱得又跳得架！唔信撳個掣去片睇睇。
來源 source: http://nextplus.nextmedia.com
+++++++++++++++++++++++++++++++++++++++++++++++++++++++++++++++++
收足錢就得  |  0 22018/09/14, 12:21:47 中午 |
|
