https://video.appledaily.com.hk/mcp/encode/2018/07/14/3653506/20180715_Sub227AD_mp4_w.mp4
加菲貓和聾貓的作者Jim Davis和小克相遇對談，即席揮毫jam幅靚畫。
加菲貓和聾貓，兩隻「肥嘢」除了同樣肥嘟嘟外，更相似的應是一把唔識收的賤嘴，兩隻嘢相遇應該擦出唔少火花。唔講唔知，加菲貓原來已經賤嘴了40年，今次來香港大事慶祝，找來聾貓助慶，聯乘開展覽兼推出限量figures之餘，兩位作者小克和Jim Davis當然也要來一個世紀交流，即席揮毫jam幅靚畫。
兩隻「肥嘢」相遇估唔到都幾好口，無鬥賤嘴，好似幾friend。
小克9歲開始睇《加菲貓》，是超級fans，潛意識讓他創作出同樣賤嘴的聾貓。
雖年過70，Jim依舊貪玩可愛，看到哈哈鏡不停擺pose，難怪至今仍能創作出加菲的有趣故事。
Jim說兩隻「肥嘢」應該可以做friend，只要聾貓唔好攪加菲啲闊條麵。
小克話加菲賤嘴多聾貓幾十年，鬥賤嘴點都輸。
青衣城有大型聯乘展品，好像這個蛋糕，就有40支蠟燭，支支唔同樣。
小克說：「我9歲已開始睇加菲貓，少字易睇之餘，當然就是愛牠的抵死賤嘴，雖然創作聾貓時沒有從加菲訩靈感，但後來回想卻發現聾貓，跟本就是從我細個睇落加菲貓的潛意識轉生出來，所以今次可以聯乘展覽，甚至跟Jim Davis見面，都可說是完成夢想。」至今依然畫得出加菲，賤嘴故事不停，Jim雖然年過70，但依舊可愛幽默，問他聾貓是否應該減肥，佢就話：「聾貓如果減肥，應該都係同加菲一樣，永遠都係『聽日先開始』，都係同我哋一樣！哈哈！」而他亦表示相當喜歡聾貓，因為聾貓跟加菲性格太相似，一樣好玩。不過兩隻賤嘴肥嘢見面，會唔會鬥嘴鬥不停，做唔到朋友呢？「我覺得可以做friend嘅，只要聾貓唔好攪加菲啲闊條麵。」Jim說。「我都覺得可以，不過要啲時間適應時差，話晒一隻住香港，一隻住美國。」小克說。
展覽大多以大型裝飾為主，加菲和聾貓齊齊巨大化。
九龍站圓方就有坐得好歎的大加菲。
圓方有不少加菲貓的背景和歷史介紹，讓大家認識一下這隻40歲但依舊大唔透的肥貓。
展覽有不少加菲原稿和畫作欣賞。
當然少不了推出限量聯乘精品和公仔，其中50隻是超限量的小克和Jim的簽名版。
1978年原版加菲，比現在更肥。
而今次的聯乘展覽進駐多個地方，展覽大多以大型裝飾為主，加菲和聾貓齊齊巨大化，除自拍機和小型互動遊戲，更有不少加菲原稿和畫作欣賞。另外，當然亦少不了推出限量聯乘精品和公仔，其中更有50隻是超限量的小克和Jim的簽名版。
記者：韓繼聰
攝影：伍永健
source : https://hk.lifestyle.appledaily.com/lifestyle/special/daily/article/20180715/20450099
+++++++++++++++++++++++++++++++++++++++++++++++++++++++++++++++++
貓貓好得意  |  0 12018/07/15, 12:40:54 下午 |
|
