秀智都有喺網上公開聲援楊藝媛
涉案攝影室負責人疑跳海自殺,警方正進行搜索行動 韓國網紅楊藝媛嘅不雅照片早前於色情網上曝光,佢拍片公開自己曾受性騷擾一事,指三年前應徵模特兒工作時被迫拍下淫照,前後被迫拍咗5次。當時有網民喺青瓦台請願網頁發起請願行動,連「國民初戀」秀智亦於網上公開聲援楊藝媛,表示自己支持請願。
楊藝媛隨後起訴涉案嘅攝影室負責人、攝影師等人,警方亦傳召眾嫌疑人到警署問話。據悉涉案攝影室嘅42歲室長鄭某,先後接受警方5次問話,不過佢強烈否認涉性騷擾楊藝媛及否認曾發佈楊藝媛嘅不雅照片。
據警方表示,鄭某原定於韓國時間今早10時到警署接受第6次問話,卻於今早9時20分被發現喺京畿道渼沙大橋上跳海自殺。停喺橋上嘅車輛被證實係鄭某嘅座駕,而車內有一封A4紙嘅遺書,寫道「好委屈,警方、傳媒都只相信一邊嘅說話」。警方又指鄭某於上周五完成第5次問話,當時未有任何異樣,而今早嘅第6次問話僅鄭某嘅代表律師出席。
警方續指現時正喺渼沙大橋附近一帶搜索,但因大雨關係,令搜索行動變得困難。
隨後由於天文台預測今晚有連場暴雨,故警方已終止搜索,並將於明早繼續搜索行動。至於會否因鄭某跳海自殺而令案件冇咗公訴效力,警方表示待結束搜索後再作決定。
更多韓流,喺晒《娛果》 http://fb.com/appledailyent source : https://hk.entertainment.appledaily.com/enews/realtime/article/20180709/58420417 +++++++++++++++++++++++++++++++++++++++++++++++++++++++++++++++++ 原來有單咁野 ) | 102018/07/10, 11:24:27 上午 |
|