前立法會議員、民主黨前主席劉慧卿接受本報訪問時表示，許智峯已不適合留在民主黨，也不適合繼續做立法會議員，她個人在對此事感到「好憤怒和痛心」，批評許智峯的行為「好差」、「好離譜」、「去到忍無可忍」 ：「我覺得好難容忍呢啲行為，我自己做咗議員25年，我覺得唔可以咁樣做，我既唔明白（為何他這樣做），亦好憤怒...有冇搞錯？搞啲咁嘅嘢出嚟，真係好離譜。」
她強調， 自己只是一名民主黨普通黨員，民主黨有其程序處理，她知道民主黨今晚召開特別中委會討論事件，自己無權處理，除非召開黨大會要她投票。被問到若她有一票，是否支持革除許智峯黨籍，劉慧卿直言許智峯既不適合留在民主黨，也不適合繼續做議員，「其實我覺得佢唔適合（留黨），呢個好清楚，亦都唔適合留喺立法會。當然有啲人會覺得我嚴苛，呢個只係我一票啫。」
劉慧卿指，如果許自己退黨是其個人選擇，但民主黨也有一套程序，如果該黨中委會覺得有理由，可以表決通過凍結其黨籍，亦都可以由紀律委員會進行調查。她認為，民主黨要嚴肅處理今次事件，勿讓公眾失望：「要畀社會睇得到，民主黨係有規有矩，而且係會秉公辦理。」
她指收到很多市民的意見，尤其是中西區區議員伍凱欣今日在街上為民主黨籌款時，不少街坊上前向她們表達，對許智峯搶走公務員手機一事感到相當不滿。劉慧卿更批評許事後不肯向公眾道歉：「我作為一個普通黨員，我對佢咁處理好唔認同，佢唔肯向公眾道歉，呢件事係全香港都震驚。」除了市民，劉慧卿指也收到來自商界、專業界別的人士反映對事件很有意見，「大家係好震撼，大家唔明點解佢要搞啲咁嘅嘢出嚟。」
被問到事件對民主黨的傷害，劉慧卿回應稱街坊對民主黨的支持，是對一個政黨：「民主黨嘅底子係好厚，但市民對呢個人（許智峯）係好不滿，所以有啲街坊係分得開，但仍然要睇民主黨係點樣處理呢件事。」
https://hk.news.appledaily.com/local/realtime/article/20180426/58120325 |  3 02018/04/26, 5:05:04 下午 |
|
