顯示圖片
華明邨毒狗案主人哽咽:「家人」被謀殺報警有用咩?



https://video.appledaily.com.hk/mcp/encode/2018/04/21/3595470/20180423_sub678AD_w.mp4


Gabrielle愛犬Micro在2018年4月5日中毒身亡。

近日粉嶺華明邨一帶出現多宗狗隻中毒身亡事件,毒狗狂徒仍未落網,區內人心惶惶,由刑事調查隊警員組成、負責處理虐待動物的專隊早已展開調查,警方更在4月14日宣佈,將原本只得13個警區設有的專隊,擴展至22個警區,看似不遺餘力地調查和打?殘酷對待動物的罪案,但在遇害狗隻的主人眼中,警方是否真的幫得上忙?慘遭毒手的8歲芝娃娃Micro主人黃小姐(Gabrielle)說:「佢哋喺調查刑事,去搜證、拎CCTV紀錄嗰啲,我絕對相信佢哋係專業,但對於動物嘅認識,我就唔係好感覺到佢哋有相關經驗。」

2009年7月2日,一頭芝娃娃來到世上,開始牠短暫的一生。兩個多月後,牠那曾患上抑鬱的主人Gabrielle剛剛出院,碰巧在facebook看到有人轉讓芝娃娃寶寶,一頭看上去不會笑、總是愁眉苦臉的芝娃娃寶寶。「望落好似好多心事,唔識笑、成日扁口扁面,好可憐,好需要人愛錫。」就是這份傻勁,身形小巧的芝娃娃就有了牠的名字Micro,還有了一個屬於牠的家。Micro愛散步,Gabrielle已退休的爸爸每日都會帶牠到街上兩三次,到Gabrielle放假,Micro就會跟着她一起攀山涉水,去不同地方郊遊遠足。在家呢,Gabrielle說她的Mic仔最愛跟着自己,「佢好黐媽咪我,我行到邊佢就跟到去邊,就連我沖涼都要敲門入嚟望住我、陪住我。」


Micro毒發身亡後,全身筋肉因抽搐繃緊。(受訪者提供)


Micro睡過的床、玩過的玩具、蓋過的被仍在,但Micro已永遠離開Gabrielle一家。


籠子和玩具原封不動地留在原處。

散步、撒嬌、跟着主人四圍去,一切理所當然,誰家毛孩不是這樣過活?誰知一件非比尋常的事,就在今年清明節降臨Gabrielle一家,令2018年4月5日成為她一家人畢生難忘的一日。那天早上,Gabrielle爸爸如常帶Micro散步,一切平安。到了下午約4時,爸爸又再如常帶牠到家樓下散步,逛了近一小時,又一切如常地替Micro洗澡,然後倒糧、斟水,着Micro開飯。到Micro如常將食物吞下,一切不尋常開始湧現,先是嘔吐,「爸爸起初以為只係濁親,但五分鐘後發現Mic仔唔只嘔,仲開始抽搐。」爸爸立即致電在元朗做完動物義工的Gabrielle姊弟,告訴他們現在就要帶Micro看獸醫,「爸爸抱住Mic仔衝落街搵街坊幫手,然後就搭的士去自由道一間有急症服務嘅獸醫診所。」那時Gabrielle雖然手足無措,但卻從未想過,原來早上出門跟Micro說的一聲「拜拜」,已是永別,「因為從來無聽過呢度附近有毒狗案,所以當時覺得會唔會係佢咁啱唔舒服。」到她和弟弟趕到診所,Micro已經全身僵硬,雙眼雖然睜得大,但卻再也無神,「醫生已經搵毛巾包住咗佢,我哋先知道Micro已經永遠咁離開咗我哋……」


Gabrielle一家都刻意迴避任何有關Micro的話題,不願面對。


Gabrielle為Micro添置多件衣服,更有專用抽屜擺放,可是Micro穿着衣服的畫面,以後也只能在相片中看到。


Gabrielle房門貼滿Micro照片。

Micro出事翌日,Gabrielle爸爸已立即到警署報警,警方在中午12時左右,便已經到Gabrielle家中,為爸爸錄口供,又帶走Micro的狗繩、狗糧、狗袋等部份日用品檢證,之後還跟Gabrielle一家重遊一次事發當日的散步路線。「當初報警都係希望同相信警方可以幫我哋搵到真相,一日入面有四隻狗狗受害,我哋都相信係俾人蓄意毒殺,而唔係巧合。」她看到警方的努力,卻不認為有很大幫助,「其實警方都陪我哋行咗個幾鐘,之後亦都有搵管理署、滅蟲紀錄,又拎CCTV,一直搞到夜晚8點幾,但我見到嘅始終係佢哋唔太熟悉動物。」Gabrielle憶述警方在巡查路線時,刻意去找食環署放置老鼠藥的位置,一有發現就問:「呢度有喎,會唔會係食咗呢啲呀?」Gabrielle對於警方有此前設感到極為無奈,「老鼠藥唔係第一日落,我哋嘅狗係細狗嚟,點樣跳上個花槽食嘢?如果有咁明顯動作,我哋點會睇唔到?平日我哋餵藥,就算粒藥有肉味都好,都係好難好難餵佢,真係好難相信佢會無啦啦去食一粒老鼠藥!」


Micro曾是Gabrielle一家的開心果。(受訪者提供)


有街坊發現可疑粉末後報警,並稱警方到場後用水將粉末沖走。(受訪者提供)

令Gabrielle對警方做法感到匪夷所思的,還有另一件事。由於華明邨附近近日不斷有狗中毒身亡,有街坊自發組成巡邏隊,四處看看有否可疑物品,發現可疑粉末會即時報警,「附近有警員嚟到嘅時候,望一望就話:『唔係(毒藥)㗎喇應該。』然後搵水沖咗佢。前線警員有無認真處理呢?街坊咁熱心去報案,佢哋會唔會淡化咗就算呢?」關注動物權益、爭取「動物警察」和「動物保護法」多年的非牟利獸醫服務協會執行主席麥志豪認為,全港有數萬名警察,很難一概而論地評價前線警員處理動物個案的敏銳度,「有啲係查得好好、好有心,但亦都有啲係一頭霧水。」不過他也強調,任何環境證供都不能消失。


華明邨附近一帶的草堆有不明白色粉末。


華明邨一帶燈柱貼有關於殘害和虐殺動物的單張,鼓勵街坊報案,同時警告附近人士勿以身試法。

從表面徵狀來看,Micro是中毒致死,至於是中甚麼毒,就一定要驗屍才能確認,Gabrielle本以為漁護署在解剖和驗屍程序完成後,便可取回Micro遺體,但漁護署當時就表示不可以,令她卻步。為再證實此說法,Gabrielle特意在跟警方重回散步路線時,問過警方相同問題,一名女警回答:「唔清楚,只要唔係爛溶溶,應該都可以。」與漁護署的答案不同。事實上,漁護署是在4月13日下午才宣佈,長遠會設立獨立設施作寵物驗屍工作,在驗屍和相關調查完成後,就可以安排主人領回遺體。Gabrielle起初選擇不驗屍,將Micro存放於寵物善終公司雪櫃,等待火化,但現在見漁護署轉軚,有意待更多細節公佈後,再決定是否驗屍,讓Micro不至死得不明不白。

「細佬、爸爸都慢慢當咗佢係屋企唔可以缺少嘅一份子,Micro離開咗之後,其實我哋都唔敢講呢件事,好似有少少專登迴避有關佢嘅話題,大家其實都唔係好接受到佢突然間就離開咗我哋……」Gabrielle支持成立動物警察,不單是希望幫到動物、希望警方重視動物權益,「我覺得虐待或者蓄意去謀殺動物生命呢個行為,係應該受到懲罰,而唔應該因為係人或者動物嘅分別,而令待遇有咁大差別。」

記者:李煒汯
攝影:伍慶泉、周芝瑩

source : https://hk.lifestyle.appledaily.com/lifestyle/special/daily/article/20180422/20368952
+++++++++++++++++++++++++++++++++++++++++++++++++++++++++++++++++
好慘
Good0Bad02018/04/22, 10:56:56 上午
本貼文共有 0 個回覆
此貼文已鎖,將不接受回覆
本貼文共有 0 個回覆
回覆感情臺