http://nextplus.nextmedia.com/news/spot/20180119/568558
億萬富豪肖建華，上年年三十晚喺四季酒店被挾返大陸，單嘢發生咗話咁快一年。肖建華而家身在何處現況如何？無人知。但呢個月初由明天系所持嘅恒投證券（1476），就宣布獲中信集團旗下中信國安，出資九十億元、達四倍溢價收購。消息一出，恒投證券股價一度飈升逾七成！至於明天系在香港的相關股份，如天津銀行（1578）、哈爾濱銀行（6138）和恒嘉融資（379）等，都有不同升幅。
過往市場一直盛傳有出售名單，排晒肖建華待價而沽嘅股份，大家都等執平嘢。今次中信出手，就等於阿爺出手，收歸「國有」，想入貨者無希望。有口痕友分析，過往「民企」變「央企」，成交價都偏高，有無俾足錢就唔知喇。大家只係知消息刺激股價爆升，阿爺手上股份價值已經水漲船高，達到人人有錢賺，此乃箇中的奧妙也！ |  0 12018/01/20, 12:04:44 凌晨 |
|
