好有 Face！ 韋亞邀雲格去總統就職禮[/size=5]
2018年01月05日
前世界足球先生、利比里亞球星韋亞上月當選總統，佢就邀請咗恩師雲格出席今個月舉行嘅就職典禮，完全畀足面！雲格當年喺摩納哥造就韋亞成名，因此韋亞一直好敬重雲格，重視雲格如父親。但雲格就話未必能夠出席就職典禮，重講笑話如果自己被英足總罰停賽，先至有時間出席。
對於會唔會出席就職典禮，雲格好幽默咁話：「我畀韋亞邀請出席佢嘅就職典禮。我諗我到時會好忙，但如果我畀人停賽嘅話，或者我會有時間去。」事源阿仙奴周日只能作客 1：1 賽和西布朗，其中球證甸恩判罰一記爭議 12 碼予西布朗，令雲格相當不滿，狠批英超球證水平全無進步，他或因此被英足總處罰。
雲格又回憶當年同韋亞共事嘅時光：「當你睇下佢嘅人生，佢嘅人生就好似電影咁。我記得第一次見佢嗰時，佢顯得有啲迷失，冇人識佢而且冇人對佢評價。但佢之後就成為世界其中一名最佳球員，依家重做埋總統。」
「我祝佢做得開心，同埋佢真係時下足球員嘅典範。」雲格又話韋亞好關愛自己嘅子民，當年利比里亞爆發內戰，韋亞亦曾經為此哭泣。
原文：
https://hk.sports.appledaily.com/sports/realtime/article/20180105/57671133 |  2 02018/01/07, 2:19:30 下午 |
|
