希望巴絲可以當係睇故事咁睇吓我呢篇感想
同埋聽一聽呢隻碟
発売元：Cana aria
販売元：MAGES.
『Princess ♡ Limited』係自從2013年『螺旋の果実』以黎嘅大碟同2015年單曲『好きだって言えなくて』以黎嘅CD。
田村ゆかり喺2016年3月離開唱片公司「KING RECORDS」之後，2016年8月由事務所「アイム」移籍去MAGES.系列嘅「amuleto」，2017年6月喺MAGES.旗下開咗一間新嘅唱片公司「Cana aria（カナリア）」。個人活動亦由呢個時期開始頻繁，6月底開咗一次FANS CLUB EVENT作為歌手活動嘅熱身，7月頭喺文化放送開始咗事隔1年3個月嘅Radio「田村ゆかりの乙女心♡症候群」，8月底出演Animelo Summer Live，9月底平日喺横浜アリーナ開咗2日演唱會。
而為9月嘅演唱會準備嘅其中一件事就係新曲，亦即係呢隻CD。據講，本身最先決定嘅係9月嘅演唱會，但係發覺「冇歌唱」所以先準備新曲同CD，而因為時間不足嘅關係，只能夠準備一隻8首樂曲嘅迷你專輯。原先發售日係10月25日嘅CD，結果都係唔夠時間完成，最後延期至11月15日發售。而喺9月嘅演唱會，亦只係唱咗其中4首，據ゆかりん講係因為佢覺得佢嘅客人並唔係期待一場新曲發表會，結果構思嘅演唱曲目都係以既存曲為主。另外6月份嘅FC EVENT就係因為8月出演ASL嘅原因，覺得需要先喺Arena熱身一吓所以先臨急臨忙舉辦。
講返『Princess ♡ Limited』，8首樂曲中有4首喺發售之前都係冇公開過，充滿神秘感。而公開咗嘅4首樂曲有3首喺Radio介紹過，其中「Hello Again」係OP，「Lost Sequence」係ED，「14秒後にKISSして♡」就喺點唱環節播過，另外「ゆかりはゆかり♡」就只有喺演唱會披露過。
『Princess ♡ Limited』嘅完成度可謂無可計量咁高，有非常完美嘅構成，要跟足Track List次序聽哂8首歌先算聽咗隻碟。每首歌有佢嘅主題，而歌同歌主題更加緊扣住，就好似同ゆかりん對話緊咁樣，透過CD嘅構成同每首歌嘅歌詞去感受呢2年ゆかりん嘅心情。
跟住每首歌講一講，主要圍繞歌詞同埋我鐘意嘅小節。※注意ネタバレ(劇透)
M1. 14秒後にKISSして♡ 作詞：清 竜人 作曲：清 竜人
呢首輕快嘅歌喺Radio一聽嗰時已經好有煥然一新嘅感覺，係ゆかりん過去冇嘅樂曲類型。雖然類型新鮮，但係歌詞完全係ゆかりん嘅樂曲。ゆかりん嘅樂曲，除咗「かわいい」，其中一個重要主題就係「乙女の恋愛」，而呢首歌毫無疑問就充分咁發揮咗呢個主題。聽呢首歌就有一種「一直認識嘅ゆかりん返黎喇！」嘅感覺，成為呢隻CD嘅M1可以話係最為適切。
歌詞本身幾具玩味，有足足83個♡符號，仲有內容直接，可以輕易將個picture想像出黎。內容係個女仔同男仔講要做心理準備，合埋眼等14秒，但係女仔覺得自己一定會唔夠膽KISS落去(HUG落去)，所以想個男仔14秒後KISS(HUG)自己。
♪ だから♡ お願いね♡ 14秒後にそっちから KISSして♡ HUGして♡愛して♡
LASTサビ真係 心跳加速
♪ 14秒待てばきっと FALL IN LOVE
締め嘅高速轉調亦好特別，我好鐘意。
呢首歌嘅印象係「一直以黎」。
https://utaten.com/lyric/田村ゆかり/14秒後にKISSして♡
M2. ガラスの靴にMoonglow 作詞：松井五郎 作曲：木村有希
呢首樂曲好有似層相識嘅感覺，有90年代嘅音色。係我好鐘意嘅Melody。
樂曲據ゆかりん講，最初畀作詞家嘅request係「誘い受けのシンデレラです」，即係「我放低咗對玻璃鞋喇，你快啲黎搵我啦」嘅image。歌詞好完美咁演繹咗呢個image，而且同樣係可以輕易將個picture想像出黎。內容除咗剛才所講嘅image，仲強調咗「我同你之間嘅相遇有幾珍貴」「我好想再同你重遇」。成首歌嘅歌詞如果套喺ゆかりん離籍之後嘅感情上，就有一種同Pops曲風相反嘅沉重感。
♪ わざと忘れてきた 片方の靴には あなただけにわかる Sign
呢句意思即係「隻玻璃鞋係只有你先明白嘅信號」，呢句好深，深嘅係究竟對於ゆかりん黎講，玻璃鞋係…。
♪ ガラスの靴にMoonglow
「の靴にMoonglow」嘅harmony留到好深印象。
呢首歌嘅印象係「寂寞同等待」。
https://utaten.com/lyric/田村ゆかり/ガラスの靴にMoonglow
M3. 砂のオベリスク 作詞：松井五郎 作曲：佐々木裕
「オベリスク」嘅意思簡單黎講係記念碑，一種幾層樓嘅四角柱體，頂部係四角錐體嘅石柱，呢種記念碑古時係設於古埃及嘅神殿等地。古時高長嘅碑塔喺日照下，影子嘅方向亦有顯示時間嘅作用。而家喺羅馬等地亦可以搵到呢種記念碑。
呢首歌真係好型，越聽越型。曲風帶有異國風情，就如曲名，有沙塵滾滾嘅感覺。Bメロ開始嘅唸唱到サビ一轉♪ ふたりはどこにいたの，一個由靜轉動嘅感覺，情感湧出黎嘅感覺，型到唔識形容。
樂曲內容係講過去累積咗嘅某啲嘢，好似掌上嘅沙粒咁從手指之間流走。「我哋嘅過去唔通係假嘅？我想聽到你嘅真心」
♪ ニセモノだったの 教えて
呢度滲入嘅感情，唱法，好值得細味。
♪ 救えない
♪ 愛があることを
♪ 認めたくなくて
♪ 震えてる
落ちサビ嘅詩意好強，可以睇到好刻意咁寫到只有每句開首係漢字。
呢首歌嘅印象係「迷失同惆悵」。
https://utaten.com/lyric/田村ゆかり/砂のオベリスク
M4. Le paradis （ル・パラディ） 作詞：松井五郎 作曲：YASUSHI WATANABE
「Le paradis 」嘅意思係天國。呢首係一首幾平靜嘅樂曲，第一次聽可能會留唔低好深印象，但係慢慢聽就會聽得出味道，猶其跟住曲順聽，會感受到呢隻碟嘅平衡做得幾咁好。
雖然係一首平靜嘅樂曲，但係歌詞內含嘅愛意就好厚。
♪ 二人で 時間を捨ててもかまわない
♪ あなたと 離れたくない たった それだけ
♪ どうしてこんなに 一緒がいいんだろう
歌詞好強調兩個人一齊比任何嘢都重要。
而且喺呢個「天國」之中有正面嘅歌詞
♪ 風もなく (Only me)
♪ 沖へ出る (Lonely heart) 舟のように
♪ オールを探してる
♪ 願い続けてる
從only me同lonely heart嘅harmony可以解讀成，剩返一個人嘅時候都依然抱持住希望，如同去搵「令船開動嘅油」。
♪ 二人は 二人を信じていればいい
仲有保有對對方嘅信念
呢首曲嘅harmony: only you、only love、only me、lonely heart...「お～」啲位入得好優美。
♪ 砂のカーヴ
因為作詞人一樣，呢個位可能係有意表現出呢首歌延續緊上一首歌「砂のオベリスク」。
♪ その理由なら 知ってるでしょ
呢首歌亦同「ガラスの靴にMoonglow」一樣，描寫到信任同期待對方，對方嘅話就一定會明白。
呢首歌嘅印象係「冷靜同回望」。
https://utaten.com/lyric/田村ゆかり/Le+paradis
M5. 囀りのない部屋 作詞：松井五郎 作曲：木村有希
連續嘅Ballad，呢首亦係首比較平靜嘅歌。同之前幾首歌有啲唔同，呢首歌比較多抽象表現。樂曲主題係無聲嘅房間，可以聽到呢隻碟嘅圖像一步步轉暗，空間亦一步步收窄。樂曲內容比較難去一概而論，大致係描寫緊一種單獨嘅苦澀感。
歌詞首先有趣嘅係第一句已經呼應緊上一首歌。
♪ ここに風はない
如果聽返上一首歌歌詞就會發現 ♪ 風もなく，歌同歌之間係緊扣住。
跟住仲會發現呢首歌好多呼應。
♪ 二人にはなにが大事か あなたならわかる
「你」嘅話一定會明白。
♪ 心をつかまえて
有呼應「ガラスの靴にMoonglow」嘅印象。
♪ ひとりでは声が震えて 忘れられそうで
呢個位ゆかりん嘅表現力真係唔能夠唔慨嘆，可以聽到「忘れられそうで」嘅「忘れぇ」同「られそぉう」嘅「ぇ」、「ぉ」個震音係落得幾特別。重點係個震位唔係「れ」同「そ」，而係淨係夾喺中間嗰個咁短促嘅位。
講震音仲有「ふれて」，會發現到4次「ふれて」之中，只有第3次有震音，即係臨尾一句嘅尾二一次。可以留意嘅係第1、2次嘅歌詞係♪ このさみしさにふれて ふれて，第3、4次嘅歌詞係♪ この悲しみにふれて ふれて，即係前者係「(如果聽到流淚嘅我嘅呼叫請)撫摸我嘅寂寞」，後者係「(如果意識到冰冷漆黑中嘅我嘅存在請)撫摸我嘅悲傷」，個震音可能係黎自「冰冷」係表現，亦可能係黎自「悲傷」嘅表現。
呢首歌嘅印象係「孤單」。
https://utaten.com/lyric/田村ゆかり/囀りのない部屋
M6. Lost Sequence 作詞：松井五郎 作曲：佐々木裕
呢首歌係Radio嘅ED，所以當前奏播起就已經會好有一種完結嘅感覺。而當第一次睇住歌詞去聽整首曲，真係忍住淚水去聽。
歌詞真係一隻字一隻字咁插落黎
♪ そばにいない人なのに 繋がっていると信じてた
♪ どこで違ったの どこが間違ったの そこへ 戻れる 道なんかないけど
♪ 見つけられなくて そう いま では もう花は咲かない
♪ ここはどこなの なにも見えない なにも
整首歌飄溢住傷感，就好似所有嘢都返唔到轉頭咁，連想講嘅「再見」都冇辦法講就離別咗。
ゆかりん2年間嘅心情究竟有幾重，我呢啲連平民都稱唔上嘅人，真係好難去想像。
呢首歌嘅印象係「離別」。
https://utaten.com/lyric/田村ゆかり/Lost+Sequence
M7. ゆかりはゆかり♡ 作詞：清 竜人 作曲：清 竜人
由「Lost Sequence」嘅低谷一下子拉上黎嘅就係呢首「ゆかりはゆかり♡」，情況就好似沉默咗一年以上(雖然聲優業有出演)，終於有新喜訊嘅ゆかり王国咁。「ゆかりん返黎喇！」，呢首先係真正令人眼前一亮，一掃烏雲嘅樂曲，整隻CD去到呢個位就好似講緊「等待同忍耐係冇白費」。
整首歌有65個♡同10個ゆかり。據講最初ゆかりん同作曲作詞嘅清 竜人講係想要一首類似清竜人25嘅musical樂曲，
點知就作咗呢首歌出黎。清 竜人又問過ゆかりん可唔可以喺歌詞度放「ゆかり」入去，ゆかりん就話可以，但係就估唔到成首歌都係ゆかり…
樂曲內容就係充斥住LOVE and LOVE and LOVE，充滿咗愛情。同埋強調住ゆかり係獨一無二，「你」亦係無可取代。仲有「一直喺埋一齊」呢個主題。
♪ 他にはいないのよ
♪ わたしと違うのよ
呢度嘅唱法好特別，主要係講「○○○」同「のよ」之間嘅拉扯。
呢首歌嘅印象係「歸來」。
https://utaten.com/lyric/田村ゆかり/ゆかりはゆかり♡
M8. Hello Again 作詞：松井五郎 作曲：板垣祐介
HELLO HELLO HELLO HELLO，係每個星期四Radio最初聽到嘅聲音，所以一聽就有「開始喇」嘅感覺。呢首歌唔係呢隻碟第一隻歌，而係最後一隻歌，睇落好似幾神奇，但係毫無疑問呢個係最好嘅配置。首先呢首歌好有提晨感，而且時間好短，聽完會唔夠喉，結果又loop一次隻碟。而更重要係要睇返成集碟嘅構成同歌詞。
♪ 夢はこれから 次のはじまり ときめきの リフレイン
♪ ねぇこんなにこんなに 好きだったんだ
♪ もっと 思いきり 手を握って
♪ 二人だけの 世界へ 連れてって
♪ Hello Again Forever どこまでも
新嘅開始，新嘅副歌，向著夢想出發
鼓起更大決心牽手，帶我到只有我哋嘅世界
再次Hello，無論去到邊都永遠一齊
呢首咁輕快嘅歌，其實有好深長嘅決意，標誌住新嘅旅途。
呢首歌嘅印象係「重新出發」。
https://utaten.com/lyric/田村ゆかり/Hello+Again
呢隻CD『Princess ♡ Limited』係ゆかりん回歸嘅第一張碟。無錯係reboot，但係並唔係捨棄過去，走去一個新嘅出發點，而係整理過去，整理呢兩年嘅情感，喺停低嘅地方再出發，呢點係好特別，唔係人人會做亦唔係人人做到。
(歌手移籍之後好多都係會改變方向或者係唔同過去有衝突)
總結吓每首歌嘅印象
M1 一直以黎→M2 寂寞同等待→M3 迷失同惆悵→M4 冷靜同回望→M5 孤單→M6 離別→M7 歸來→M8 重新出發
整隻碟嘅構成真心係好完美，每首歌表達嘅意思一首連住一首，仲有歌曲嘅波浪都係一層一層咁變化。就如剛才所講，成隻碟係補完緊空白嘅兩年，「Hello Again」放喺最後，意味住新嘅起點係喺呢隻碟嘅最後先開始。
參考資料
[1] Interview https://www.lisani.jp/0000064820/?show_more=1
[2] Radio: 田村ゆかりの乙女心♡症候群（シンドローム）（文化放送にて毎週木曜21：30～）
[3] Radio: こむちゃっとカウントダウンhttp://www.nicovideo.jp/watch/sm31938042
[4] Radio: 鷲崎健のヨナ×ヨナチャンネル http://www.nicovideo.jp/watch/sm32165485
[5] Radio: MORNING JAM http://www.nicovideo.jp/watch/sm32259389
[6] Radio: アニちゅん❤Fukuoka http://www.nicovideo.jp/watch/sm32279512 |  6 02017/11/18, 7:58:29 早上 |
|
