https://video.appledaily.com.hk/mcp/encode/2017/11/14/3483540/20171115_sub523newnewnewAD_clean_w.mp4
日本TBS電視台重頭劇《陸王》，描述一名跑手因為受傷而遇到運動生涯最大挫折，繼而如何改變跑姿再重返賽場。
《半澤直樹》原作者池井戶潤的另一小說《陸王》，早前被改編成日劇開播，講跑馬拉松講跑鞋，食正近年香港人跑步風潮，令跑風更加熾熱！不過當中提及到跑姿及跑鞋等跑者研究課題，到底有幾多謬誤？日劇內的重點又是否正確？浸會大學體育學系副教授雷雄德（雷Sir）說：「如果唔係要代表國家比賽，做運動唔受傷先最重要，跑得快唔會長命咗。」
「受傷唔係要嚟醫，係要嚟避免嘅。」雷Sir說一般人做運動，為咗健康、開心，可能完成到已經有成功感，未必想不斷挑戰好成績，所以劇集討論的跑姿、裝備，未必適合一般人採用。「當然，鼓勵到多啲人做運動都好嘅。」現在這種天氣，晚晚落街都見到很多人跑步，大家都為下年初舉行的大型馬拉松賽事準備，煲劇之餘，也要聽聽專家意見。
厚底跑鞋易傷？
以運動為主題的戲劇，當然有大量熱血元素，日本TBS電視台今季的重頭劇《陸王》，描述一名跑手因為受傷而遇到運動生涯最大挫折，繼而如何改變跑姿再重返賽場。飾演主角跑手的是竹內涼真，他劇中的宿敵是佐野岳。另一邊廂，百年足袋老字號「小鉤屋」第四代社長為了重振公司業務而研發跑鞋，同樣難關重重，61歲的役所廣司演出社長一角，和演他兒子的山崎賢人有一段感人父子情。劇集矚目，除了演員陣容外，亦是改編自小說的關係，原著小說的作者就是大熱劇集《半澤直樹》名作家池井戶潤。
劇中講到跑鞋越來越着重保護性，鞋底亦越出越厚，令跑手們習慣腳踭落地，反而容易受傷。雷Sir說這是一個誤會，「其實早在70年代，跑鞋越出越多，越嚟越多人鍾意跑步，越多人跑，受傷嘅跑手數目自然會多，所以先有着厚底跑鞋跑仲容易受傷?個謬誤。」即是厚底鞋更好？「如果講跑馬拉松，好多跑手都習慣腳中掌、後掌落地，因為?家啲跑鞋個底保護性強，吸震之餘，仲會提供反動力，可以令跑步更慳力。」說到吸震，不是反而浪費力量？「你可以想像鞋底就好似彈弓咁，落地嗰吓壓實咗，之後就會彈番起，?吓力就可以慳咗力。不過只限鞋底後半部，如果前半部亦都吸震，咁做後蹬動作時，就會有力量流失嘅問題。」
跑鞋也分厚底保護性強的訓練鞋，以及比較薄底、輕身的比賽鞋，雷Sir說買到快樂才最重要，「訓練鞋鞋底厚，鞋身比較闊，保護性高，可以將受傷機會減到最低。而比賽鞋除了保護性，更着重輕身設計，所以底比較薄，不過好多鞋廠都計算好，幾多厚度嘅界限可以保護到跑完全馬42.195km。只係比賽鞋價錢會貴啲，同埋耐用性會低啲。」又貴又不耐用，仲買？「跑步嘅人好多時都會想進步，快1分鐘嘅成功感同滿足感都大好多。如果畀多少少錢可以買到快樂，又有乜所謂？香港係消費社會嘛。」
劇中演跑手的竹內涼真（左）及其宿敵佐野岳，兩人分別演出過《幪面超人鎧武》及《幪面超人Drive》，亦於劇場版中合作過。
薄底跑鞋的確可以令跑者更易改用中掌落地跑姿，但未必人人適合。
和劇中所說的一樣，鞋底厚薄之外，軟硬程度也很重要，影響後蹬時力量會否浪費。
劇情集熱血、奮鬥、親情、反敗為勝元素，又有女性旁白，很有《半澤直樹》的味道。
名作家池井戶潤繼《半澤直樹》的另一本小說《陸王》，亦是劇中的跑鞋名字。
赤腳跑太極端
除了那美麗誤會，中掌落地是否會比較少受傷？「腳踭落地容易令膝頭受傷係事實，但改用前掌、中掌落地係咪一定好？要睇訓練情況，因為前掌、中掌落地，受傷風險轉到落腳嘅下半部份，可能會導致足弓或足踝受傷，即是前中後掌落地受傷嘅機率可能都差唔多，只不過受傷部位唔同。而且前、中掌落地，即是腳部接觸地面嘅時間較短，頻率較密，對小腿肌肉力量嘅要求更高，要訓練得好足夠先可以。」
劇中說原始人沒鞋穿要赤腳跑，所以才有中掌落地這個說法，「因為如果唔着跑鞋用腳踭落地，冇咗吸震，一定會好容易令膝部受傷，所以冇錯，原始人跑步可能適合中、前掌落地，但經過咁多年代，人類身體結構都隨住時間進化或退化，其實仲係咪適合?？又未必。加上我哋?家跑嘅路，尤其係馬拉松，可能多數係石屎路，唔着鞋跑一定會容易受傷多啲啦。」談了這麼久，我們都是想找到正確跑姿吧。「其實到?家，力學上嚟講都冇一個絕對正確的跑姿，因為人人嘅訓練、肌肉強度、腳部長短都有唔同，?個跑姿佢跑得快，你用同樣跑姿未必會好。所以，一般人跑步，基本上用自己覺得舒適嘅跑姿嚟跑就好，身體向前傾少許，感覺跑得暢順就可以。」
問雷Sir哪種運動最不容易受傷？他說：「喺健身室做運動，又唔係要力谷重量嘅話，做Gym係最安全嘅。」
雷Sir說如果穿跑鞋，腳踭落地沒有太大問題，不過跑馬拉松，一定要有足夠訓練。
鞋底厚度有兩吋已經能提供足夠的保護性。
如果跑步要中掌、前掌落地，對小腿肌肉強度會有更大要求。
每個人的足弓弧度也不同，所以要選適合的跑鞋，未必可以單靠聽別人意見。
增強內外側肌肉防受傷
跑者最常見是膝部受傷，要減輕受傷機率，就是強化內外側肌肉，令膝部關節更穩定。「因為一般練習跑步，我哋淨係可以練到向前跑嘅肌肉，大腿、膝部附近內外側嘅肌肉唔太練到，所以就要做啲動作強化?部份肌肉。?啲肌肉我哋叫做協作肌，強化咗佢哋，就等於你跑步時有一個好好嘅助手，其他肌肉負荷就冇咁大。」雷Sir建議一組做30下，而且這些動作在家裏也做到，可以邊玩電話邊看電視邊做。
內側側躺，之後慢慢提起放在下方的腳，再慢慢放低。之後轉身用另一隻腳重複動作。
外側側躺，之後提起上方的腳，如果躺在梳化或床上做，更可以利用高低差，令腳部放下時放低一點才再提起。之後轉身用另一隻腳重複動作。
記者：陳孝義
攝影：周芝瑩
編輯：陳慧玲
source : https://hk.lifestyle.appledaily.com/lifestyle/wellbeing/daily/article/20171115/20214338
+++++++++++++++++++++++++++++++++++++++++++++++++++++++++++++++++
日劇唔洗咁認真  ) |  0 02017/11/15, 11:05:33 上午 |
|
