歌手JW（王灝兒）現身電台，講解2018年1月假紅館舉行的演唱會籌備進度，她表示12月將會進行樂隊綵排，現時開始排舞。問會跳哪類型舞蹈？她說：「有快有慢，都會有啲現代舞，所以依家練緊基本步，同埋拉筋。（搵男朋友葉韋彤一齊練？）唔喇，之前江若琳有搵男朋友一齊練，但我男朋友係行外人，所以唔會啦，我都係練緊拉筋。」
強調唔會太性感
至於歌衫就是由設計師度身訂造，現今仍未試身，但有看過草圖，覺得好靚。問歌衫可會性感？她笑言：「會有女人味，唔會太性感。（男朋友睇咗啲衫未？）未，如果有都會畀佢睇，同佢分享喜悅。（男朋友會唔畀你太性感？）如果冇需要我都唔想太性感，我都唔係行性感路線。（但演唱會可以畀人耳目一新嘅感覺？）演唱會都有啲嘅，但唔會太性感。」
短訊問候欣宜：好開心
日前，JW問吳業坤可有拜狐仙？JW說：「佢話冇拜。（佢有冇狐臭味？）都冇。」對於好友鄭欣宜跌斷腳，JW有發短訊問候對方：「[#ff0011]我好開心[/#ff0011]、佢同Gin Lee（李幸倪）都係出年開紅館騷，所以都會互相支持。（欣宜整親有冇唔開心？）佢係幾Strong（堅強）嘅女仔。」講到她比欣宜及Gin Lee早幾個月開騷，問可有感覺勁啲？她笑言：「冇關係，都係2018年。」
JW透過fb公告，已經問清楚吳業坤（左一）：「佢冇拜狐仙」。
JW對紅館個唱信心十足。 |  0 02017/11/14, 4:46:57 凌晨 |
|
