 http://football.fanpiece.com/football365/睇見都縮一縮-西乙後衛慘遭隊友踢爆J縫10針-c1299996.html
踢波真係可以好危險，仲記得之前香港有「怪獸家長」怪責足球教練唔叫囝囝戴頭盔守龍門，仲告上法庭，要教練為囝囝嘅頭部受傷負責。正如凌凌漆話齋：「好在有避彈衣啫，不過最衰冇避彈褲」，個頭都仲可以戴頭盔，但下面就冇咁好彩喇。
喺最近一輪嘅西乙比賽之中，就發生咗「人間慘劇」。今次嘅主角係西乙球隊阿爾巴塞特嘅後衛比圖路 (Mariano Bittolo) ，佢喺球隊以0-0賽和侯爾斯卡嘅比賽之中，同隊友意外碰撞。
當時係比賽嘅81分鐘，阿爾巴塞特嘅烏克蘭後衛蘇素耶 (Roman Zozulya) ，喺自己禁區入面防守高空波，頂走咗個波俾門將沒收之後，隊友比圖路就痛苦倒地。
原來睇慢鏡就見到，白衫26號嘅蘇素耶喺跳起嗰陣，右腳蹬到23號嘅比圖路下體，佢痛到有一段時間起唔身，拐下拐下行出底線。打開檢查之後，應該見到好嚴重，仲用力揮手叫軍醫過嚟幫手。
結果，呢位阿根廷後衛冇辦法繼續比賽，要被換走，而隊醫就表示，比圖路嘅下體要縫10針，預計要缺陣一段時間，真係陰功。 |  0 12017/10/30, 9:40:28 晚上 |
|
