青年新政梁頌恆同游蕙禎喺立法會宣誓時展示Hong Kong is not China橫額，又將China讀成支那，引發北京人大釋法，議席被取消，非建制陣營隨時因為新界東同九龍西嘅補選冇咗立會直選議席多數優勢，唔少民主派同學聯老鬼都話梁頌恆學生時代同西環關係密切，質疑佢哋可能係鬼！勢估唔到喺呢個時候，行政會議成員、梁振英愛將張志剛竟然為佢哋講說話，認證佢哋唔係中共派出嚟嘅鬼喎！
話華叔都同中共多交往
張志剛噚日喺《明報》撰文，反駁有民主派話青政係鬼嘅觀點。佢話香港地方細，幾乎冇人可以避免同愛國陣營機構有過連繫，仲話?家唔少反共、反水貨、反蝗人士曾經都係左派中人或者新移民，仲以已故支聯會主席司徒華為例，話佢喺《大江東去》一書交代同中共關係，又話民主派大佬同中共交往一定比梁頌恆同游蕙禎多，反問華叔、民主派又係咪鬼？
有民主派中人一路睇一路笑，話估唔到張志剛對呢個猜測咁上心；不過獲梁粉張志剛認證，會唔會令人更加疑惑梁游係鬼呢？
李八方
http://hk.apple.nextmedia.com/news/art/20161201/19851492 |  0 02017/09/25, 8:12:17 晚上 |
|
