雲海：[/size=4]
1 小時
早前城巴大意外，令我想起大約六七年前一件親身經歷，我從來無公開表達過！
話說當晚老爸從北京回港，老人家點都唔肯搭的士、唔肯搭機鐵，要坐城巴 A21 成粒鐘先返尖沙咀，我就喺尖沙咀漆咸道巴士站等佢！大約一個小時見到佢架巴士到達，佢企定定喺門口準備落車，我上前…… 架巴士竟然係完全冇停車嘅意圖，結果一路向前行，我老豆係早一條街，有按鐘著埋燈企定定喺門口，我心諗：「飛站？！」0.001 秒變身炸兩俠，我衝前去到最近燈位走出馬路用身體截停咗架巴士，大叫開門！
個司機竟然死都唔開，我堅持佢要開，最終佢開咗！我一上去就問清楚我老豆，撳曬鐘著曬燈！我就媽叉個司機點解唔停站？其實佢知衰㗎，但係將個責任就推畀旁邊一個大陸女遊客，話因為佢不斷問自己問題，而忘記咗埋站！咁都得？！最好笑係個女遊客不斷同我講對唔住，因為問路阻住個司機！我就話根本嘅司機就唔應該同你一路駕駛一路傾計，而女乘客亦都同我講清楚佢係由太空館梳士巴利道一路同個司機傾到漆咸道，喂！已經違反曬所有運輸局條例啦！
於是乎我當晚就已經打咗俾運輸署投訴城巴呢個司機！呢個車牌冧巴！但我今日想講嘅焦點唔係呢樣嘢！而係後來嘅事。
運輸署回我覺得事態係嚴重，而我亦都直接打咗畀城巴去開投訴 file，大約過咗一個星期，城巴高層致電我，話已經處理咗！我問佢點處理，佢死都唔肯講處理咗啲乜，如果冇記錯嗰個高層姓溫！個温生竟然突然間講咗句：「 陳生！我係點都唔會話畀你聽，我哋點樣處理㗎！就算我哋城巴喺間房裏面將個司機殺咗！我都唔需要話畀你聽㗎！」
嘩！ 咁都講得出？！我即時望望電話，哎呀！呢個對話唔記得錄音！係我個嚴重失誤！而佢再重複話畀我聽，就算我哋將個司機殺咗！都唔需要同你交代㗎！我即刻就呢段對話，同運輸署再開多個投訴 file！
但運輸署後來同我講，佢哋冇權就溫生嘅言論作出投訴！當時我認為若果我有錄音，我諗我會報咗警！但今時今日我又覺得有人公開叫人殺無赦都冇事啦！不過我今日想表達嘅就係，其實城巴啲管理層都幾恐怖㗎！
ps. 突然間諗，唔通個高層想將火滾城巴司機嘅焦點，轉移係佢自己身上面？！( 曲 )
原文：
https://www.facebook.com/CHANWANHOI/posts/1677937288915065 |  0 12017/09/24, 2:48:57 下午 |
|
