顯示圖片
【非一般攀石】有種運動叫「抱石」你玩過未?



http://video.appledaily.com.hk/mcp/encode/2017/09/18/3444078/20170919_sub416newAD_clean_w.mp4


鄭毫本身係一位兼職模特兒,由於工作關係需要經常鍛煉身體,又嫌去健身室做運動悶,所以佢揀咗抱石。

要好似Laughing哥咁唔綁安全繩走去攀石,仲要單手講電話其實唔難,亦都唔係搵命博。的確有種攀石係唔會綁安全繩,呢種叫做抱石(bouldering)。

一般人接觸過嘅攀石其實係叫運動攀登,好多人會覺得運動攀登需要好多裝備好麻煩。雖然綁咗安全繩,但係因為爬得高所以又會覺得好危險唔敢試。至於抱石攀爬嘅高度一般唔高於四米,攀登之前只需要喺攀爬嘅地方下面鋪軟墊作保護,所以準備功夫簡單好多。



鄭毫本身係一位兼職模特兒,由於工作關係需要經常鍛煉身體,去健身室做運動有時又會覺得悶,所以佢揀咗抱石。抱石呢種運動需要運用身體每一組肌肉,好玩之餘又可以全面咁鍛煉身體,而且又具挑戰性。每次喺一個地方成功攀上頂之後就會立即想搵新地方準備下次向更高難度挑戰。

另一方面佢鍾意玩抱石係因為抱石唔需要綁上安全繩,感覺無拘無束,好似完全融入喺大自然裏面。每一次玩抱石嘅時候都要非常專注完全唔可以分心,目的只有一個就係要爬上頂。鄭毫覺得攀石係一種享受,係用錢買唔到嘅。十個人玩攀石就會有十種唔同嘅體驗,所以最好就係自己親身試吓,去感受攀石嘅樂趣。

有興趣嘅朋友不妨試吓,有種去試可能你就會鍾意,再搵個好嘅角度要影張靚相呃like真係唔難。

製作:有種運動

2017果籽繼續認真知味。識買惜用。行以求知。好事多為。重修舊好。
緊貼果籽報道,即like:http://fb.me/AS.AppleDaily

source : http://hk.apple.nextmedia.com/
+++++++++++++++++++++++++++++++++++++++++++++++++++++++++++++++++
玩命
Good0Bad02017/09/19, 12:24:49 中午
本貼文共有 0 個回覆
此貼文已鎖,將不接受回覆
本貼文共有 0 個回覆
回覆體育臺