http://nextplus.nextmedia.com/news/latest/20170720/531326
近年愈來愈多人在日本經營民宿，競爭漸趨白熱化。Kammy更指試過被同行刻意給負評：「故意住一日，之後就留咗個很差嘅評分，其實好難避免，但好彩網站係計平均分，其實我哋呢家都有四點幾分(五分滿分)。」
很多人都以為強國客特別難服侍，但Kammy就大爆：「中國同香港客都係比較容易溝通到，因為我們都有共同語言。反而韓國人講嘢係比較惡，我都比較驚， 有時半夜打嚟，可能佢哋語氣本身就係咁，我就有少少驚(嘻嘻)。」
她更指：「佢哋可能好注重自己屋企衛生，但民宿衛生，佢哋就唔太尊重。好似鞋濕咗或者污濁咗，就用枕頭套去抹，個枕頭套就用唔番，其實一個都要一百蚊 」還有他們對毛巾有特別情意結：「會要求每一日要有一套新毛巾，如果無，佢哋就會將單位嘅毛巾全部用晒，就算lock咗，佢哋都會有辦法破壞個鎖。」
她表示試過韓國旅客多次投訴，最後證明單位沒有問題，令他們氣結：「佢哋就將花樽嘅乾花，就隨地拋，將吊喺窗邊嘅燈飾拆咗佢。我都唔知發生咩事，總知佢就好嬲。」而她更大爆Airbnb網站，在接納客人訂房要求時會顯示其國藉：「聽過有行家會拒絕某一啲旅客，可能之前comment唔好嗰啲。」
不要以為只是韓國人特別多麻煩，Kammy就指試過有香港旅客同樣有問題發生：「日本單位都有一個警鐘，寫住非常、紅色嘅，一撳就會成幢大廈就會響，有一次凌晨兩點，租客就手多多，整到成幢大廈都響，以為有火警。佢就打嚟問我，死啦點算好呀，我話唔使驚，會有人嚟處理，十幾分鐘之後警察就走。之後第二晚我就千叮萬囑同佢講唔好再撳，點知佢又再撳，仲要我哋退款，話接受唔到兩晚都係咁，仲喺網站寫負評，我就回應佢真係唔好再撳。」 |  0 32017/07/20, 2:20:05 下午 |
|
